سنوات ليست من العمر

سنوات ليست من العمر

                       الفصل التاسع عشر

سافرت شرين فى اليوم التالى للأمتحانات بالأتوبيس فى صحبه خالتها واولادها وفى وسط الطريق الصحراوى تعطل الأوتوبيس ونزل السائق لأصلاحه ونزل الركاب وكان الساعه الثانيه ظهرا والحراره مرتفعه ونفذ الماء فأضطروا لركوب سياره نصف نقل اوقفها لهم احد الركاب وكانت الرحله مرهقه للغايه ولكنها حمدت الله انهم وصلوا الى الأسكندريه قبل المغرب و صدق احساس شرين فلم تكون اقامتها بالأسكندريه سعيده  ليس بسبب عدم الخروج فقط ولكن لان احد الجارات وهى صديقه لخالتها عندما علمت بحضور شرين ارسلت ابنتاها للأقامه معهم بالشقه حتى لا تشعر شرين بالوحده فكانت النتيجه انها احست بالغربه حتى فى البيت لان الفتاتين رغم  انهما فى سنها تقريبا لكنهما غريبتان عنها و لم تأخذ اى فرصه للتعارف فكانت تشعر انها محاصره باهتمام يصل لحد التدخل من غرباء فى حياتها بلا داعى ولكنها احتملت وتعاملت مع الجميع بلطف رغم ضيقها الشديد منهما لان الأساس من كل هذا محبه ولكن كثره الشئ ينقلب الى ضده وربما كانت ستسعد بهما لو لم تكن وحيده فهى غير معتاده على مشاركه احد لها فى سريرها وغرفتها وطعامها وكل نواحى الحياه ولم ينقذها من شعورها الدائم بالضيق والملل سوى حضور خالها لان الفتاتين عادتا الى بيتهما و قضت مع خالها وخالتها واولادها عده ايام جميله جدا واصرت على العوده مع خالها بحجه انها ستستعد لعقد قرانه مع ان عقد القران سيتم بالجامع وموعده بعد شهر وقابلت سامى بعد عودتها بيومين و لكنها شعرت هناك تغير كبير رغم انه رحب بها واخبرها انه كان يشعر بالوحده والضياع بدونها وانه ارتكب اخطاء لم يرتكبها منذ عرفها فسألته الى اى مدى كانت هذه الأخطاء ولكنه قال انها اخطاء لا تجرحها فى شئ من قريب او بعيد فلم تطلب معرفتها ولكنه قال لها موضوع ضايقها  لدرجه لم يتصورها حتى انه ندم لانه اخبرها قال

شهدت على عقد زواج

مبروك

عقبالنا

ان شاء الله لكن انت ازى شهدت على العقد هما اجانب و لا عرب

لا مصريين

امال اهلهم فين

موجودين بس مايعرفوش

مايعرفوش يعنى ايه

هو المأذون ممكن  يكتب الكتاب من غير أبو العروسه او ولى امرها ولا هى فوق 21 سنه

لا ماكنش فى ماذون ده جواز عرفى

يعنى عند المحامى ما نفس الحكايه

لا هما كتبوا ورقه فيها صيغه الجواز ومضوا عليها ومضيت عليها انا وواحد كمان بيثق فيه العريس  

ورقه يعنى ايه مش موثقه

لا دى حاجه بنهم وبين بعض اصلهم متدينين اوى

ممكن تفهمنى واحده واحده

دى ورقه كتبوا فيها انهم متزوجين

ودى جابوها منين

واحد صاحبه محامى كتبها له

ماشى وبعدين

خلاص

خلاص ازى

بقوا متجوزين

كده من غير ما يقولوا لأهلهم وجيرانهم

لا ماحدش يعرف غيرى انا و الشاهد التانى

هم غلطوا

لا لا لا دول متديننين جدا دى خاطبته وبنت عمه

بنت عمه ويعمل فيها كده

عمل ايه كل الحكايه انه كتب الورقه دى علشان يقدر يمسك ايدها او كده يعنى يبقى حلال

حلال

وكده حلال

طبعا

طبعا ازى اولا هى عمرها اد ايه

هى فى اولى جامعه

يعنى 18 سنه

يعنى قاصر

ايوه

اى واحده قاصر ولى امرها هو اللى لازم يجوزها

ماهو موافق على الخطوبه

يعنى كمان الراجل مارفضش امال عملوا كده ليه

عملوا ايه

ابسط حاجه انهم بيستغفلوه

ازى ده

زى ما بقول لك كده

هو داخل خارج وهو جوز بنته والراجل مش عارف وهى عايشه معاه ومع امها فى بيت واحد ونتغشهم

الموضوع مافيهوش غش ولا ده مقصود خالص

يا سلام  طيب لو الموضوع ده اتفشكل وحصلت مشكله ابوها يقدر يجوزها غيره

لا طبعا دى على ذمه راجل

طيب لو ده حصل الراجل هيعمل ايه

هيضطر يطلقها

ولو رفض

ان شاء الله مايحصلش كده

طيب لوحملت مش هتبقى فضيحه

هتحمل ازى هو مش هيعمل حاجه

ما هى الورقه دى ياتبقى حلال ويبقى جوزهم شرعى وده مش حقيقى لان مافيش حد عقد العقد ومفيش  حد عارف ومن غير موافقه ابوها ياتبقى حرام ويبقى هما بكذبوا على نفسهم باسم الدين

انا مافكرتش فى كل اللى انت قلتيه ده دى مجرد خدمه لواحد صاحبى

دى مش خدمه ده ذنب انت شاركت فيه

رغم انى مش مقتنع لكن

مش مقتنع بأيه

مش مقتنع انى عملت حاجه تغضب ربنا لان هما متدينين اوى

والمتدينين اوى دول مارحوش لأبوها ليه وطلبوا كتب كتاب عادى

لازم يدفع المهر

ام قال اتجوزها ببلاش

لالا بلاش ايه هيدفع المعهر ويتجوزها علننا بس بعد سنتين يكون كمل المهر واشتغل شغله كويسه

هيتجوزوا تانى

لا

ماهما لو متجوزين بالورقه دى  هيتطلقوا وبعدين يتجوزا ولا هتبقى تمثليه قدام ابوها والناس ولا ايه

مش عارف

للدرجه دى ممكن واحده يهون عليها اهلها

هانوا فى ايه بس انت مكبره الموضوع خالص

طيب لو اختك عمليت كده هتبقى مبسوط

اختى مكتوب كتابها وخلاص

افرض

لا هتضايق طبعا

شفت بقى

عموما ماتزعليش منى

هزعل ليه

علشان شهدت على العقد

ماحبش الناس اللى بوشين

وخصوصا لما يعملوا كل مصيبه والتانيه ويقولوا الدين بيسمح بكده وكأن الدين صلاه وصوم بس

دى محجبه وتعرف ربنا كويس

كان لازم اللى تعرف ربنا ماتخنش ثقه اهلها فيها وتبقى قد المسئوليه وتعرف تحافظ على شرفها على الأقل

صدقينى دول ناس كويسين

وبيتصرفوا ليه تصرفات الناس اللى مش كويسين

طيب معلش اعتبريهم غلطوا

غلطوا ولا ماغلطوش انا مالى بس ياريت ماتقوليش هم مين علشان اقدر احترمهم

حاضر

سامى انا اتاخرت عاوزه اروح

انت مش قلت انك قلت لمامتك انك رايحه لهند

ايوه ما انت هتودينى لهند دلوقتى

طيب ليه

علشان انا قلت لماما انى عند هند

هى مش فى المدرسه ومش هتتصل بهند

هى ماتعرفش نمره هند

طيب خليك معاى شويه

هند مستنين

طيب يعنى انت مش زعلانه

زعلانه طبعا بس خلاص  اللى حصل  حصل

هشوفك تانى امتى

نتفق بكره فى التليفون

هتكلمينى

ان شاء الله باى

مع السلامه

خرجت شرين من السياره وهى  فى غايه الضيق وكان هذا يبدو على ملامحها حتى ان هند احست  ان شرين ستنفجر من شده الضيق و تركتها تحكى لها ماحدث ثم سألتها

انت ايه بالضبط اللى ضايقك للدرجه دى

حسيت باهانه فظيعه لما قال لى كده

هو ما قالش حاجه فيها اى اهانه من قريب او بعيد

ازى هو يعنى قال الموضوع ده ليه

مش انت سألتيه عملت ايه فى غيابى كنت عاوزه يخبى عليك

لا بس هو حكاه على انه شئ كويس ممكن نعمله

هوماقالش كده

ايوه لكن دافع عنه ولما سألته هيكون مبسوط لو اخته عملت كده قال لا

ده معناه ايه

معناه انه ممكن يقبل حاجات يعملها هو لكن اخته ماتعملهاش

وانت دخلك ايه هو حر هو واخته

ده معناه ان جواه غير  براه

بذمتك انت مصدقه اللى انت بتقوليه

مش عارفه

سامى انسان محترم

ما يمكن بيمثل

هيمثل كل المده دى

ليه لا

لا طبعا وبعدين انا مش شايفه حاجه تضايق دى خدمه وعملها من غير ما يفكر

تفتكرى طيب والحاجات الغلط اللى بيقول عليها

انت ما استفسرتيش منه ليه

اتصدمت وماحبتش انكد على نفسى

تفتكرى يكون عرف واحده تانيه

لا لكن ممكن يكون شرب ولا حشش

هو متعود يشرب

لا لكن ممكن فى رأس السنه مثلا بس بصراحه بيزعل من نفسه ويندم وبيفكر فى الموت بيستغفر ربنا

شرين انت عايزه تجننينى

ليه هو انا قلت له حاجه غلط

لا لكن رد فعلك قاسى اوى

هو انا لسه عملت حاجه

ناويه على ايه

ناويه افشكل الحكايه انا مش بتاعه الكلام ده

كلام ايه

حب ومقابلات وكذب

طيب ما يتقدم رسمى ويبقى مفيش كذب ولا غيره

بابا هيرفض

طيب مطلوب منه ايه

مفيش

سبحان الله انا نفسى اعرف ايه اللى عفرتك كده

يمكن لانى حسيت ان انا كمان بكذب على اهلى

اسمعى يا شوشو هو ماعملش حاجه و حكايه الكذب دى حلها انه يتقدم لباباكى

ما ينفعش قبل ما يشتغل

طيب عرفيه على حد من اهلك

زى مين

مامتك

ازاى

مش ممكن تقولى لها

لا

طيب عرفيها عليه من غير ما تقول لى حاجه

هتعرف من نفسها

طيب خالك عرفيه على خالك

ازاى برضه

انت مش بتقولى ان خالك هيكتب كتابه كمان شهر

خليه يروح الجامع على انه من اهل العروسه

هوده معقول برضه وبعدين خالى مش هيبقى فاضى للتعارف وهو عريس

معك حق

وايه الهدف من انى اعرفه على خالى

اولا هتشوفى رأى خالك فيه ايه وهو اكيد اكبر مننا ويفهم فى الناس اكتر

وممكن تخلى اخته تزورك فى البيت وانت تزوريها

ليه

علشان يبقى فى علاقه عائليه ويبقى شافك وعرفك وممكن يتقدم عادى بعد ما يشتغل

هى هتبقى خطوه لقدام بس لازم تبقى بسرعه لان اخته هتتجوز وتسافر الصيف الجاى

يعنى قدامك سنه

تقريبا بس هتفضل المشكله هى هى

ايوه بس لما يبقى فيه صله عائليه الأمور هتبقى اسهل

بس ماما هتسألنى عرفت اخته منيين

قولى لها انها كانت معاك فى المدرسه

هى فعلا كانت فى نفس المدرسه بس ماكنتش اعرفها بس هى اكبرمنى بسنه

مش مهم قولى انك قابلتيها صدفه فى الجامعه

وبعدين اعزميها عندكم

ام اشوف اخرتها

شرين ماتظلميهوش هو ماعملش  حاجه

يعنى انا غلط

لا بس كنت عصبيه شويه زياده

من الصدمه ياهند

شرين اهدى كده وفكرى براحه وبلاش تتسرعى خصوصا انه بيحبك

انا متلخبطه ومش عارفه اقرر

طيب اصبرى لحد ما تهدى

رحت الجامعه يوم النتيجه

لاكنت فى البلد

يعنى ماعرفتيش عملوا ايه 

لا كل اللى عرفته نتيجتى انا وانت وحنان

وانا كمان بس كنت عاوزه اعرف الباقى عملوا ايه

طيب ما تيجى نروح دلوقتى

لا خليها وقت تانى بس هنقول ريحين ليه

هو مرواح الجامعه ممنوع كمان

لا بس لازم يكون فيه سبب

ايوه لازم ندور على سبب

تفتكرى خالد عمل ايه

ان شاء الله يكون نجح

يارب ظروفه كانت صعبه اوى السنه دى

خالد قدها وقدود هو ما يتخفش عليه اقوم امشى بقى زمان ماما رجعت

خليك اتغدى معايا

معلش وقت تانى

ماما هتزعل منى ومش هترضى تسيبك

يا هند انا مش قادره اكل

كلى علشان خاطرى

طيب بس هتأخر

كلمى مامتك

كمان شويه يكون اكيد رجعت   مش تهانى جت سلمت على امبارح

طيب كويس اوى

بس انا مش قادره اتعامل معاها زى زمان كأنها واحده غريبه ماعرفهاش

طبعا بس حبه حبه وهتروقى و ترجعوا زى الأول  بس المشكله فى حماده ممكن وجوده بضايقك

فى الصيف مفيش مشكله ممكن اروح الصبح و حماده فى الشغل وان كانت هى مسافره بعد اسبوع لباباها

هتروحى تسلمى عليها قبل ما تسافر

بفكر فى كده

تبقى فرصه كويسه يا شوشو

حاضر

تناولت شرين الغذاء مع هند ثم عادت  الى بيتها و قررت ان تعيد التفكير بهدوء فى اقتراح هند وتفكر فى طريقه تنفيذه وكيف يمكن ان يتم تعارف بين سامى وخالها بصوره طبيعيه 

وهل ستكون خطوه مفيده ام لا داعى لها الأن