سنوات ليست من العمر
الفصل السابع عشر
جاء مجدى فى اليوم التالى وحالته معنويه مرتفعه و عندما شاهد شرين وهند و طارق قال ضاحكا
سلام يا دانس احلى سلام للمكان x و زباينه الحلوين
اهلا مجدى ازيك النهارده
الحمد لله مش عارف اشكركم ازى
على ايه يا بنى
على ايه ده انا كنت حاسس انى هرتكب جريمه
لا كنت هسيبك تودى نفسك فى داهيه
ربنا يخليك لى يا شيرى
بس انا مش عاوزك تزعل من اشرف
بعد اللى عمله
انت عارفه كويس هو غلبان بس هيعمل ايه طبعه كده
وانا ذنبى ايه
مش مسأله ذنب اللى عمله متوقع ولو معملش كده مايبقاش رويتر
عندك حق
جبنا سيره القط
فى ايه مين كان جايب سيرتى
انا
خير يا شيرين
كنت بسأل عليك
نعم
بطمن عادى
طيب يا جماعه انا هسبق على المدرج علشان الحق مكان قدام
طيب يا مجدى هنحصلك
سلام
صباح الخير
صباح الفل يا حنون اهلا يا احمد عاش من شافك
عشت يا شيرى معلش انت عارفه نفسى اخلص من السنه دى واشوف حالى
ان كانت المذاكره اللى شاغلتك يبقى خلاص براءه
هو خالد اتاخر ليه
مش عارفه يا هند
يارب مايكنش باباه تعب تانى
ان شاء الله خير
المحاضره هتبتدى وقفين كده ليه
حالا يا ماهر
جلست شرين بجوار ماهر وسألته
ايه الأخبار
اخدت اجازه علشان الأمتحانات
والأخبار التانيه
مابقاش فيه تانيه
يعنى ايه
هقولك بعد المحاضره
طيب
وبعد المحاضره انشغل الجميع بمشاده بين مجدى و سوزيت وعلت اصوات كل منهما فاسرع ماهر واشرف وابعدوا مجدى الذى خرجوا من المدرج غاضب وخرج الحميع بعده
جرى ايه يا سى مجدى انت كل يوم هتعملنا مشكله مع واحده شكل
اعمل ايه واحده هقول لك ايه يا حنان نهايته خلينى ساكت احسن
يا عم مالك ومال البنات
بنات ايه يا شرين انت شفتها لبسه ايه
مخدتش بالى من لبسها
انا شفتها
لبسه ايه يعنى
قولي لها يا حنان
لبسه بلوزه مخرمه وقصيره وبنطلون جلد ضيق جدا
مخرمه يعنى ايه
كروشيه بس غرزها مفتحه زياده
مش تحتها
مفيش تحتها حاجه
مفيش ولو انت مالك
مالى ازى مش جايه تتكلم معاى وهى بالشكل ده
هى حره يا اخى
حره بعيد عنى ثم انا ماغلطش فيها قلت لها لو سمحت ماتتكلميش معايا وانت باللبس ده
و ايه اللى وصل الموضوع للشتيمه
ابدا قالت لى بمنتهى البجاحه انا البس اللى يعجبنى وانت مش من حقك تقولى كده لا انت خطيبى ولا اخويا
فقلت لها لو كان لى اختى خرجت من البيت بالمنظر ده كنت دبحتها
طلعت فى زى الصاروخ ليه هى البلد فوضى انت انسان معقد متسلط همجى
انا كده عايزه تقفى معايا تلبسى هدوم لكن غير كده لا
انت مالك ومال هدومى انت غريب اوى
انا ماعنديش استعداد اكلم واحده ماشيه بالمنظر ال........... انا واحد بيخاف على سمعته
يا خبر اسود وبعدين
نزلت فى شتيمه زى ما سمعت
انت هتفضل حنبلى كده طول عمرك
انت ماشفتهاش
ايوه يا شيرى مجدى معاه حق دى كأنها رايحه سهره
حتى لو كانت رايحه سهره انا مليش دعوه انا ماينفعش اكلمها هى بالشكل ده
خايف على نفسك من الفتنه يا مجدى
لا خايف على سمعه سيادتك يا انسه حنان والأنسات دول
طيب سيادتى والأنسات داخلنا ايه بالحكايه دى
من فضلك فكرى شويه
بحاول بس معصلجه معايا مخى مش جايبها
علشان انا شاب مش بنت
مش فاهمه برضه
ولا انا
ياريت توضح شويه
دلوقتى لما حضرتك تقفى معاها وهى لبسه المايوه ده
مايوه هو للدرجه دى
شرين بصى وراك هتشوفيها
لا لا ده كتير كده اوى
بذمتك مش عندى حق
حق لا انت مزودها حبتين
خلينا فى موضوعنا ايه علاقتنا بوقوفك معاها وهى بالمايوه ده
لو حضرتك وقفت معاها هيقولوا بتشرح لها حاجه بتاخد منها كشكول
طيب وحضرتك
لا الموضوع مختلف هيقولوا ده بينوا و بينها حاجه ده واقف يتفرج عليها ده كل واحده يقف معاها يبقى عايز منها حاجه مش واقف عادى
اه وصلت
المحكمه اتنورت
بس الموضوع مش بالشكل الرهيب ده
بذمتك كده واحد واقف مع واحده لبسه كده يبقى ليه
بس سوزيت مش واحده اخلاقها وحشه هى بس بتلبس على الموضه
ده رايك انت لكن غيرك شايفها غير كده
ماعتقدش انا كلمتها قبل كده كذا مره ملاحظتش حاجه
هتلاحظى ايه يا شرين
افهمنى بس فى بنات ممكن يلبسوا حاجات مفتحه و ضيقه وقصيره لكن مافيش اكتر من كده
بس الناس بتقول عليها غيركده
بيقولوا ايه
بيقولوا انها مش بتصاحب شباب هنا علشان هى عايزه مستوى معين مناسب ليها
مستوى اقتصادى يعنى
ايوه
ده حقد طبقى
لا طبقى ولا نيله انا مالى ومالها
صدقنى البنت كويسه
لنفسها لكن انا احط نفسى فى موضع شبهه ليه
بصراحه يا مجدى انت كان ممكن تقولها الكلام بطريقه افصل من كده
نرفزيتنى يا هند
خف شويه من عصبيتك دى
ازى طيب
يا مجدى هى جايز لبسها فى عليه تحفظات لكن الأخلاق حاجه تانيه لها علاقه بالتربيه والقيم ومفيش ضرر خالص انك تكلمها لا عليك ولا علينا
وسيبك من كلام الناس اللى بتحقد عليها علشان جدها لملوم باشا
يعنى تفتكرى انا غلطان
ايوه ولازم تصلح غلطتك
يصلحها ازى
هى دى عاوزه نباهه يتقدم لأهلها على طول
بطلى ياحنان
تفتكرى اعتذرلها
ياريت بس بكره علشان تكون هديت
شرين
ايوه يا ماهر مش هنروح هناك
حاضر
ايه المكان x برضه
اسبقونا على هناك
مفيش وقت
فاضل نص ساعه على المحاضره
طيب نلحق وقتنا احنا قبل المحاضره
ذهبت شرين وماهر فى اتجاه المكتبه ثم قالت
ماهر لو مش عاوز تتكلم انا مش فضوليه
لا ابدا كل الحكايه انى اكتشفت انها ماتنفهنيش
انت كنت بتوصف فى ادبها واخلاقها
ما هى الأخلاق انواع
طبعا بس ازى
يعنى ممكن واحده تكون مهذبه و مالهاش علاقات بشبان بس انانيه
انانيه ممكن طبعا
و طبعها وحش
ممكن عموما مادمت بتتكلم بالشكل ده يبقى خلاص
يعنى ايه
يعنى حبيبك يبلع لك الزلط وعدوك
لا الموضوع موصلش للعداوه لكن اكتشفت انها ماتنفعنيشى
عموما انت تعرفها اكتر
فا كره الهديه بتاعه العيد
طبعا دى كانت حلوه اوى
عارفه انا فرجتك عليها ليه
علشان تاخد رايى
اخد رايك فى حاجه جبتها خلاص انا كنت عاوز اشوف رد فعلك
طيب وانا مالى
انت فرحت بيها وهى مش ليك وقولتى لى انها حلوه
وهى
ولا حاجه
مافتحتهاش
ياريت فتحتها و قالت لى شكرا بس ببرود بلا مبالاه
الناس ردود افعالها بتختلف
ايوه لكن فيه حاجات تضايق يمكن صغيره بس انا مقدرش استحملها
ولا يهمك ربنا يعمل لك اللى فيه الخير
انا ناوى انتبه لمستقبلى واخلص بدل الكلام الفارغ ده
دى احسن حاجه تعملها
اقول لك على سر بس تعالى نلحق المحاضره
هو اشرف ماحضرش ولا ايه
يا اشرف فين الجماعه
روحوا بيوتهم المحاضره اتلغت
ليه الدكتور اعتذر
لا لغاها الله يجازى الللى كان السبب
اشرف اتكلم على طول
واحده بنت حلال سألته عن الكتاب قالها لسه قله ادبها شويه
قله ادبها ازى ايه شتمته
لا طبعا قالت له احنا متسوحين من غير الكتاب و كل الدكاتره نزلوا الكتب من بدرى وكده هنسقط
قالها لوكنت بتحضرى كنت فهمتى ولو بتدخلى المكتبه كان بقى عندك اسلوب فى الكلام افضل من كده ممكن تتكلمى بيه مع الدكتور بتاعك اللى فى عمر ابوك وطلب الغياب كتبنا اسماء ناس كتير راح مقطع الورقه وخارح
احنا كنا ناقصنها
والحل
اعتذرنا له وربنا يستر
طيب انت هتعمل ايه هروح وانتوا
هروح المكتبه استعير كتاب تيجى معايا يا ماهر
وماله اجى
طيب سلام يا اشرف
سلام
اخبار سامى ايه
كويس الحمد لله مش هيجى النهارده
سمعت شريط عبد الحليم حافظ الجديد
حاجه كوميديه ان ينزله شريط بعد ما مات وشبع موت
بعد عشر سنين مش كده
ايوه كانوا فين من زمان بيقولوا دى اغانى فيلم ابى فوق الشجره
لله فى خلقه شئون بس احضان الحبايب حلوه
دى حزينه اوى كل ما بسمعها دموعى بتنزل
علشان انت عاطفيه
مش قوى كده اللى حلوه اوى اعز الناس
مش بقول لك انك عاطفيه
صحيح ايه السر اللى كنت هتقوليهولى
اه فاكر اول السنه لما حاولت اقنعك تروح لها وتصالحها وتسيب النايت كلوب
فاكر
كنت متأكده انها ماتنفعكش وان مشاعرك اتغيرت من ناحيتها
امال فضلت تقولى لى دى زى السبيكه واخلاقها وماعرفش ايه
ماهى اخلاقها كويسه بس انا كنت عاوزاك تهتم بمساله الأخلاق نفسها لانى كنت خايفه عليك
من ايه
من سكه اللى يروح مايرجعش
دى اللى فى الحواديت
لا دى اللى فى الحقيقه قصدى سكه الشرب و البنات الحاجات اللى بتحصل فى الكبريهات دى
اه لا ماتخفيش على
كان لازم اخاف
هو احنا رايحين فين
رايحين كافيتريا فى المدينه الجماعه كلهم هناك بس انا قلت كده علشان اوزع اشرف
وهو مايعرفهاش
لا محدش يعرفها غيرنا دى اكتشاف خالد
انا مايتخفش على انت عارفانى كويس
وعلشان انا عارفه انك كويس كنت خايفه لتتجر رجلك فى حاجه وحشه و ماتعرفش تتراجع
زى ايه
مش حاجه محدده لكن ماكنتش عاوزه انك تتعود على جو مش بتاعك شرب ورقص وبنات الله اعلم بيهم
ماهو الواحد بيبقى ماشى فى سكه ممكن ينحرف او يحود شويه لكن بيرجع بسرعه للطريق المستقيم
كان عندى امل ان ارتباطك بأيمان يخليك ترجع من غير ماتتورط فى مصيبه من اللى هناك
مش للدرجه دى
خد بالك من نفسك ان ماكنش علشانك يبقى علشان مامتك احنا اهلنا تعبوا فينا تعلمنا وتربيتنا مكنتش بالساهل
معاك حق بس ماتخفيش على انا امى مربيانى كويس
واضح والله
الله يخليك
لا بجد انت لو ماكنتش انسان كويس ماكنش ربنا انقذك من الجو ده
الحمد لله يعنى انت كنت بتقنعينى بواحده انت حاسه انى مش بحبها و انها ماتنفعش
الغرقان بيتعلق بقشه وانا كنت حاسه انك ممكن تغرق فكنت عاوزاك تتمسك بيها لحد ما تسيب الشغلانه دى
بس انا كنت ناوى اسيبها لان امى كانت مخاصمانى
ما انا معرفش قلت اهى محاوله
محاوله وانت عارفه انها فاشله
كان ممكن تنجح عموما هى الخسرانه
الكافيتريا زحمه اوى النهارده دى عاده بتبقى فاضيه
مكان حلو ينفع ابقى اجى اكمل فيه المحاضرات الناقصه لكن هما فين
تلقيهم ملقيوش تربيزه فاضيه فروحوا
خلاص اروح انا كمان
ماشى سلام
سلام
كتبها Ola El-Fouly في 03:56 مساءً ::
اتساذة علا
ليس لى تعليق معين
إلا انى
استمتعت بقراءة هذا الموضوع الشيق
واهم مل لفت نظرى هو الربط بين الاخلاق واللبس
وانا شخصيا شايف رده ان فيه علاقة قوية بينهم ومفيش انفصال
فالاناء ينضح بما فيه
اشكرك يا سيدتى على هذه اللحظات الرائعة
التى ليست من العمر
اخى اكرم
اهلا بك ياريت كان الأناء ينضح بما فيه كانت الامور بقيت رائعه وكانت التفرقه بقيت سهله بين الأنسان الكويس و الوحش لكن مع الاسف فى ناس كتير اوى بتلبس حاجات وهى من جوه حاجه وحشه جدا و ساعات فى ناس بتدارى بالملابس الفضفاضه الطويله نفوس حقوده وافعال مخذيه تخجل من مجرد ذكرها من يرتدون ملابس غير ملتزمه اشكرك على المرور والتعليق ولك تحياتى
علا الفولى
ليس كل من يكتب الشعر شاعراً، وليس كل من يجيد كتابة الشعر بمبدع، وليس كل مبدع في الشعر يدخل القلب بدون استئذان، قليل هم الشعراء المبدعين القادرين على اقتحام اللفظ والمعنى والقلب في آن واحد.
من هؤلاء ـ أقولها بدون محاباة لصديقي العزيز ـ خالد النشوقاتي، شاعر العامية صاحب اللكنة المختلفة، وصاحب المعنى القريب والبعيد معا، وصاحب الجملة المنحوتة من صخر جلبه من طبقات الأرض المصرية الأعمق من كل سطوح الشعر العادي.
من باب من حسن إسلام المرء أن يحب لأخيه ما يحبه لنفسه أقول لكم أرجوكم اذهبوا لتستمعوا جميعا بموهبة شعرية لها مذاق خاص، مذاق الغيط المصري يوم حصاده.
عنوان المدونة:
http://khaled3-1elnoshokaty.maktoobblog.com
رأيتها بنفسي، وما تزال صرختها تطن في أذني، كانت وأمها تقفان أمام محل الفول والطعمية الشهير، في تقاطع شارعي فيصل مع المطبعة، كانت الفتاة توشك أن تقضم القضمة الأولى من الساندويتش الذي بيدها، فإذا بها تصرخ خوفاً وصوتها يتداخل مع صوت أمها الذي انطلق يطلب النجدة ويملأ المكان هلعاً.
اخى الأستاذ محمد حماد
اهلا نورت المدونه وشكرا على المرور لك تحياتى
علا الفولى
